Bangladeshi është një nga vendet më të rrezikuara në botë për ndikimet e ndryshimeve klimatike.

Miliona njerëz në rajonin jugor bregdetar po përballen me zhvendosjen për shkak të rritjes së nivelit të detit dhe kushteve të motit.

Bangladeshi me një popullsi prej 160 milionësh është përballur me 70 stuhi midis viteve 1990 dhe 2018, duke e bërë atë një prej rajoneve më të prekur nga stuhitë tropikale.

Cikloni Fani dhe Bulbul goditen Bangladeshin në fillim të këtij viti duke dëmtuar tokat bujqësore me vlerë miliona dollarë.

Sipas një raporti të UNICEF-it të publikuar në prill, 19 milionë fëmijë të Bangladeshit janë në rrezik nga katastrofat e ndryshimeve klimatike siç janë përmbytjet dhe ciklonet.

Familjet rurale në Bangladesh po shpenzojnë 158 miliardë taka (2bn dollarë) në vit për të riparuar dëmet e shkaktuara nga ndryshimet klimatike dhe në masat parandaluese, sipas një raporti të ri. /Al Jazeera/ Motilokal.com

Një familje qëndron në një varkë pasi shtëpia e tyre është zhytur nga uji në Ulipur në rrethin Kurigram të Bangladeshit. Rreth 677,000 hektarë tokat bujqësore u dëmtuan nga përmbytja në korrikun e kaluar, duke prekur rreth gjashtë milion njerëz në 28 rrethe, sipas qeverisë.

Mbi 72.480 familje janë përmbytur nga ujërat në rrethin Kurigram, thanë burime të zyrës së ndihmës dhe rehabilitimit.

Niveli i detit parashikohet të rritet nga 0.4 në 1.5 metra në bregdetin e Bangladeshit deri në vitin 2100.

Një grua që humbi shtëpinë e saj tani jeton në një strehë të përkohshme në një breg në lumin Sundarbans të Bangladeshit.

Një familje duke u larguar para se cikloni Fani goditi zonat bregdetare pranë Sundarbans. Cikloni goditi Bangladeshin në maj, duke shkaktuar dëme me vlerë rreth 63 milionë dollarë.

Njerëzit përpiqen të shpëtojnë varkën e tyre gjatë një cikloni afër zonës së Sundarbans. Peshkimi në lumë është burimi kryesor i të ardhurave për njerëzit e zonës.

Afia Begum, 46 vjeç, përpara shtëpisë së saj të përkohshme pranë lumit Shibsha në rrethin Khulna. Ajo është zhvendosur pesë herë për shkak të stuhive dhe erozionit të tokës në zonën e Dacope. "Unë humba shtëpinë time nga cikloni Fani. Tani po jetoj në një shtëpi me bambu të ndërtuar mbi lumë".

Një grua kthehet në shtëpi pasi Ciklon Fani goditi zonën bregdetare të Bangladeshit në maj. Të paktën 17 njerëz u vranë.

Një grua në rrethin Khulna shikon të lashtat e shkatërruara nga Cikloni Bulbul, i cila goditi Bangladeshin muajin e kaluar.

Një nënë me fëmijën e saj ulur në një varkë afër shtëpisë së tyre të përmbytur në brigjet e lumit Brahmaputra në rrethin Kurigram.

Të paktën 4589 pemë u rrënuan në Sundarbans nga cikloni Bulbul, sipas një raporti të përgatitur nga Departamenti i Pyjeve në Bangladesh.

Mojid, 55 vjeç, përpiqet të rregullojë bregun e lumit menjëherë pasi ciklon Fani goditi rajonin e Khulna. Ai thotë se frekuenca e cikloneve është rritur.

Njerëzit strehohen në zonën Dacope të rrethit Khulna përpara ciklonit Bulbul.

Bregu i lumit Rupsha shpërtheu pasi cikloni Bulbul goditi Sundarbans. Më shumë se dy milion njerëz u zhvendosën në strehimoren përpara stuhive të ciklonit, thanë zyrtarët.

Njerëzit shpesh humbasin shtëpitë e tyre në Sundarbans. Bangladeshi parashikohet të humbasë rreth 2,270 hektarë tokë këtë vit nga erozioni i lumenjve, sipas një studimi. /Motilokal.com