Agjencia Ndërkombëtare e Energjisë (IEA) ka propozuar një plan të ri për të reduktuar me shpejtësi konsumin e naftës dhe për të ndihmuar në zbutjen e rritjes së çmimeve ose mungesës së karburantit në mes të luftës së Rusisë në Ukrainë.

Agjencia, e cila këshillon vendet e zhvilluara për politikën e tyre energjetike, thotë se i frikësohet një "goditjeje" të furnizimit global të naftës pas sanksioneve kundër Rusisë, duke vlerësuar se furnizimi rus nuk mund të zëvendësohet lehtësisht në të ardhmen e afërt.

Disa nga sugjerimet e IEA përfshijnë:

• Ulja e shpejtësisë së autostradës me 10 km në orë;
• Puna nga shtëpia tre ditë në javë, aty ku është e mundur;
• Bërja e transportit publik më të lirë dhe inkurajimi i biçikletës ose ecjes;
• Përdorimi i trenave në vend të avionëve aty ku është e mundur dhe shmangni fluturimet për biznes.

Sipas drejtorit ekzekutiv të IEA Fatih Birol, masat janë krijuar për të lehtësuar tensionet në tregun e energjisë dhe për të ulur rritjen e çmimit të naftës për konsumatorët.

Rusia së shpejti mund të detyrohet të kufizojë prodhimin e naftës së papërpunuar me 30%, tha IEA, duke i ofruar ekonomisë globale, krizën më të madhe të furnizimit në dekada.

IEA gjithashtu dëshiron të shohë më shumë të diela pa makina në qytete dhe inkurajim për shoferët që të kalojnë në automjete elektrike në vend të benzinës ose naftës.

Me këto masa të marra së bashku, IEA llogarit se mund të zvogëlojë konsumin e naftës me 2.7 milionë fuçi në ditë në katër muaj dhe të ketë një ndikim edhe më të madh nëse ato do të miratoheshin në ekonomitë në zhvillim.

"Si rezultat i agresionit të tmerrshëm të Rusisë kundër Ukrainës, bota mund të përballet me goditjen më të madhe të furnizimit me naftë në dekada, me implikime të mëdha për ekonomitë dhe shoqëritë tona", tha Fatih Birol, drejtori ekzekutiv i IEA-s.

Kritikët, megjithatë, thonë se këto janë masa që IEA duhet të kishte promovuar tashmë, për shkak të krizës klimatike.

Dr. James Carton është profesor në energjinë e qëndrueshme në Universitetin e Dublinit dhe tha në Twitter: "këto pika të thjeshta janë ato që shkencëtarët kanë kërkuar për shkak të krizës klimatike për dekada të tëra".

"Pse duhet një luftë dhe vuajtje për të pasur veprim klimatik?" ai pyet./Motilokal.com