Pas tërmeti të fuqishëm që goditi Shqipërinë, vendi është përfshirë nga stuhitë dhe reshjet e shiut. Shumë banorë që kanë mbetur pa kulm mbi kokë në Thumanë, gjendja e tyre në çadra ka filluar të vështirësohet pas reshjeve të shiut.
Disa familje kanë preferuar të largohen ndërkohë që pjesa më e madhe nuk kanë lëvizur. Ajo çka ato presin është një lajm pozitiv dhe pyesin nëse do tu rindërtohen banesat.
Thumana është më e prekura nga kjo fatkeqësi natyrore, ndërkohë që shumë banesa janë shkatërruar dhe banorët e kalojnë natën jashtë nga frika e lëkundjeve të tjera.
Edhe në qytetin e Laçit kanë nisur reshjet e dendura të shiut, duke krijuar mjaft probleme në çadrat e banorëve të prekur nga tërmeti. Si pasojë e reshjeve uji ka depërtuar në çadrat ku janë akomoduar të prekurit nga tërmeti. /Motilokal.com