Ashtu siç kemi paralajmëruar se natës mes së mërkurës dhe të enjtes në zonat malore të Shqipërisë do ketë reshje bore, ashtu edhe ka ndodhur, ku mëngjesin e sotëm janë regjistruar reshjet e para të borës në Qarkun e Korçës.
Reshje bore ka pasur në Malin e Gramozit në Kolonjë, në Mokër të Pogradecit, në fshatin Panarit dhe Shtyllë, Dardhë e Voskopojë.
Sipas njoftimeve reshjet e borës nuk kanë shkaktuar probleme, përveç në aksin rrugor Shtyllë-Panarit, lëvizja duhet të bëhet me shumë kujdes, pasi ka edhe mjegull.
Fotografit janë shkrepur nga gazetari Artin Halili./Motilokal.com