Të paktën 20 persona kanë humbur jetën pasi një tërmet i fuqishëm goditi provincën Balochistan në Pakistan mëngjesin e së enjtes.
Autoritetet thanë se numri i viktimave mund të rritet dhe se shumë persona janë dëmtuar gjatë shembjes së banesave, ndërsa shumica e viktimave janë gra dhe fëmijë.
Mësohet se lëkundjet e tërmetit kishin magnitudë 5.9 me një thellësi prej 9 kilometra. Sipas njoftimeve deri më tani raportohet për më shumë se 200 persona të lënduar.
Më shumë se 100 shtëpi balte janë shembur dhe një numër i madh banesash janë dëmtuar duke lënë me qindra persona pa shtëpi, thanë autoritetet./Motilokal.com
