Të paktën deri më tani tre persona kanë humbur jetën dhe mijëra të tjerë janë evakuuar si pasojë e stuhisë tropikale “Elsa”, që ka goditur Karaibet.

Shërbimi Meteorologjik i SHBA-ve ka njoftuar se stuhia po i afrohet Florida-s duke goditur me shira të mëdha.

Ndërkohë, banorëve të Floridës iu është kërkuar që të përgatiten për mbërritjen e stuhisë dhe një deklaratë federale e emergjencës u miratua nga Presidenti Joe Biden.

Po ashtu një gjendje gatishmërie u shpall të hënën për provincën e Havanas dhe provincat e Mayabeke dhe Artemis, ku  më shumë se 100,000 kubanë janë detyruar të largohen nga shtëpitë e tyre.

Stuhia “Elsa” goditi të gjithë pjesën jugore të Kubës nga deti të dielën dhe të hënën në mëngjes, por nuk u raportua për dëme të konsiderueshme. Shërbimi Kuban i Mbrojtjes Civile kishte parashikuar dhe shpallur një “gjendje të jashtëzakonshme” në zonat e prekura, të cilat kishin marrë masa paraprake./Motilokal.com