"Mbreti i xhunglës" është fotografuar duke u kapur në degët e pemës ku ishte ngjitur, për t’i shpëtuar tufës së buallëve që u bashkuan për t’i kthyer sulmin e tij me të njëjtën monedhë.

Fotografi Olav Thokle nga Norvegjia, kapi momentet e pazakonta kur jo vetëm luani në fjalë, por dhe tre luanë të tjerë të tufës së tij ia mbathën me të katërta pas një tentative të dështuar gjuetie ndaj tufës prej disa qindra buallëve në rezervatin Masai Mara në Kenia.

Luanët ishin duke ndjekur tufën e rreth 400 kafshëve buallëve, për të gjetur mundësinë të vrisnin ndonjë nga anëtarët më të dobët të saj.

Por planet e tyre dështuan pasi disa buallë të nevrikosur u lëshuan në sulm drejt tyre, duke bërë që luanët të iknin të frikësuar dhe një prej tyre u ngjit në një pemë, duke qëndruar aty për gati tre orë.

Pamjet qesharake të “mbretit të xhunglës” e tregonin të shtrirë në disa degë, duke pritur që terreni poshtë të ishte më i sigurt.

Olav tha: “Papritur buallët e ndjenë prezencën ogurzezë të luanëve dhe më të fuqishmit prej tyre u lëshuan në sulm drejt tyre. Tre luanë u larguan shpejt me vrap, ndërsa i katërti u rrethua nga bualllët dhe nuk kishte rrugëdalje tjetër përveç pemës”.

“Luani qëndroi në pemë për afro tre orë e gjysmë, derisa tufa e buallëve ishte larguar”.

Rezervati Masai Mara është i famshëm për felinët e tij të mëdhenj si luanë, leopardë e gepardë./The Sun/Motilokal.com