Zvicra mund të bëhet vendi i parë europian që ndalon me ligj pesticidet artificiale, në referendumin e 13 qershorit, një iniciativë që synon të sjellë ndalime edhe në vende të tjera.

Në rangun global, vetëm Butani ka një ndalim të plotë të pesticideve sintetike, sipas mbështetësve që synojnë të nxjerrin jashtë ligjit përdorimin e produkteve të bëra nga gjigantë agro-kimikë të tillë si Syngenta e Zvicrës, Bayer i Gjermanisë (BAYGn.DE) dhe BASF (BASFn.DE).

Mbështetësit e iniciativës thonë se produktet artificiale shkaktojnë probleme serioze me shëndetin dhe shkatërrojnë biodiversitetin. Prodhuesit sigurojnë se produktet e tyre janë të testuara në mënyrë rigoroze, mund të përdoren në mënyrë të sigurt dhe se rendimentet e produkteve do të ulen pa to.

Një tjetër iniciativë që pritet të votohet në të njëjtën ditë ka të bëjë me përpjekjet për të përmirësuar cilësinë e ujit dhe pijshëm dhe ushqimit në Zvicër, duke ndaluar subvencionet direkte te fermerët që përdorin pesticide artificiale dhe antibiotikë për bagëtitë e tyre tyre.

Zvicra është ndarë ashpër nga një debat i madh lidhur me iniciativat dhe votat duket se do të jenë të afërta. Një sondazh i fundit tregoi se 48% e votuesve favorizuan iniciativën e ujit të pijshëm dhe 49% mbështetën ndalimin e pesticideve.

Nëse miratohet, propozimet u japin fermerëve deri në 10 vjet për të bërë ndryshimin, i cili do të lejojë Zvicrën të bëhet një pioniere në ushqimin organik si dhe një shembull për pjesën tjetër të botës, tha fermeri zviceran Roland Lenz.

"Uji i pastër, një nga themelet e jetës, është i rrezikuar", tha Lenz i cili është i rrethuar nga fermerët që kundërshtojnë iniciativën.

Syngenta, me seli në Zvicër dhe në pronësi të Korporatës Kimike Kombëtare të Kinës, kundërshton të dy iniciativat, duke thënë se një ndalim do të ulte rendimentet bujqësore deri në 40%.

"Pasojat e mos përdorimit të tyre janë të qarta: më pak produkte rajonale, çmime më të larta dhe më shumë importe. Kjo nuk është në interes të konsumatorëve, as nuk është në interes të mjedisit", tha një zëdhënës i Syngenta./Motilokal.com