Të paktën 71 njerëz kanë humbur jetën si pasojë e përmbytjeve të mëdha dhe rrëshqitjeve të dheut që goditën Indonezinë dhe Timorin Lindor.

Zëdhënësi i Agjencisë indoneziane të Zbutjes së Katastrofave, Raditya Djati, tha se 55 vetë kanë vdekur në Indonezi, ndërsa mbi 40 të tjerë janë ende të zhdukur.

"Balta dhe moti ekstrem janë bërë një sfidë serioze dhe mbeturinat e grumbulluara kanë penguar ekipin e kërkimit dhe shpëtimit", tha Djati për situatën në Indonezi.

"Ne dyshojmë se shumë njerëz janë varrosur, por nuk është e qartë se sa janë zhdukur", tha Alfons Hada Bethan, kreu i Agjencisë së Katastrofave East Flores.

"Të evakuuarit janë shpërndarë. Ka me qindra në secilin nën rreth por shumë të tjerë po qëndrojnë në shtëpi. Ata kanë nevojë për ilaçe, ushqim, batanije."

Presidenti i Indonezisë, Joko Widodo, shprehu ngushëllimet e tij dhe u bëri thirrje njerëzve qe t’i ndjekin këshillat nga zyrtarët, gjatë periudhave ekstreme të motit.

Shirat sezonalë shpesh shkaktojnë përmbytje dhe rrëshqitje dheu në Indonezi, një arkipelag me 17,000 ishuj, ku miliona njerëz jetojnë në zona të thella malore ose pranë fushave të përmbytjeve.

Në janar të këtij viti, 40 njerëz vdiqën nga përmbytjet në qytetin Sumedang në ishullin Java./Motilokal.com