India është vendi me ndotjen më të keqe të ajrit në botë. Shtëpia e 21 nga 30 qytetet më të ndotura në botë, ajri i tij toksik vret më shumë se një milion njerëz çdo vit.
Kjo pjesërisht sepse kombi i Azisë Jugore është prodhuesi i dytë më i madh në botë i tullave. Furrat e prodhimit të tullave, lëshojnë në ajër një përqindje të lartë të dyoksidit të karbonit që bëhet shkaktar i kësaj ndotje të tmerrshme.
I tillë është arkitekti indian, Tejas Sidnal, i cili për CNN thotë se u trondit kur zbuloi rolin e industrisë së ndërtimit në krizën e ndotjes. I vendosur për ta bërë ndërtimin më të qëndrueshëm dhe për të trajtuar ndotjen e ajrit në Indi, Sidnal filloi fushatën “Carbon Craft Design”. Projekti konsiston në marrjen e karbonin e zi të nxjerrë nga ajri i ndotur dhe përpunimi i tij për të bërë pllaka ndërtimi me stil dhe të punuara me dorë.
Ajri që mbulon qytetet e Indisë shpesh përmban nivele të rrezikshme të larta të grimcave të imëta, të njohur si PM2.5, e cila ka qenë e lidhur me sëmundjen e mushkërive dhe zemrës dhe mund të dëmtojë funksionet njohëse dhe imune. Në vitin 2019, New Delhi shpalli një emergjencë të shëndetit publik pasi pësoi nivele rekord të smogut.
PM2.5 përfshin karbonin e zi, një substancë e cila mund të thithë një milion herë më shumë energji nga dielli sesa dioksidi i karbonit në ditët ose javët që qëndron në atmosferë.
Reduktimi i ndotësve si karboni i zi mund të ndihmojë në ngadalësimin e ngrohjes globale dhe në përmirësimin e cilësisë së ajrit, thonë ekspertët.
Shumë kompani janë duke eksploruar potencialin tregtar të kapjes së emisioneve të dioksidit të karbonit, por disa janë përqendruar në karbonin e zi, sipas Sidnal.
"Ne gjetëm një mënyrë për t'i shtuar vlerë këtij karboni të rikuperuar duke e përdorur atë si një pigment në pllakat e karbonit", thotë ai.
Ai thotë se kompania synon të sigurojë që çdo pllakë të përmbajë të paktën 70% të mbetjeve, të cilat të nisin të tregtohen lirisht dhe masivisht si pllakat e zakonshme.
Përmes këtij projekti shumë firma të njohura si Adidas, kanë zgjedhur të modelojnë dyqanet e tyre me këto pllaka, si një formë kjo edhe për t’u bashkuar me fushatën kundër ndotjes së ajrit./Motilokal.com