Përbëhet nga dy botë të nxehta, i madh sa Neptuni dhe me një moshë midis 30 dhe 80 milionë vjet: është sistemi më i ri planetar midis atyre të zbuluar nga teleskopi hapësinor i NASA-s Tess (Transiting Exoplanet Survey Satellite).

Një grup astronomësh të udhëhequr nga studiues italianë nga Instituti Kombëtar i Astrofizikës (INAF) e gjetën atë në një distancë prej rreth 500 vjet dritë nga Toka. Rezultatet janë duke u botuar në revistën Astronomy & Astrophysics.

I pagëzuar TOI-492, sistemi planetar është studiuar falë edhe në sajë të të dhënave të mbledhura në Itali me Teleskopin Kombëtar Galileo, në La Palma, në Ishujt Kanarie, transmeton ANSA.

Të dy planetët kanë një rreze rreth 4 herë më të madhe se ajo e Tokës dhe orbitojnë rreth një ylli xhuxh portokalli, pak më të vogël dhe më të ftohtë se Dielli.

Studiuesit arritën t'i gjenin ato duke studiuar uljen e shkëlqimit të yllit përgjatë vijës së vëzhgimit të Toka, e shkaktuar nga tranziti i dy planetëve që shkakton eklipse të vogla të yllit “prind”.

Të dhënat tregojnë se një nga dy planete përfundojnë në orbitë rreth yllit çdo 4 ditë. E dyta, më e jashtme, zgjat 10 ditë.

“Ky sistem i ri planetar është një laborator i shkëlqyeshëm për të studiuar se si planetët lindin dhe evoluojnë në univers", tha Ilaria Carleo, nga Universiteti Wesleyan në Shtetet e Bashkuara./Motilokal.com