Po thuajse të gjithë gjigantët e automjeteve janë duke prodhuar vetura me motor elektrik. Së fundmi prezantohet EQV, modeli i familjes Mercedes EQ, plotësisht elektrike nga kompania Shtutgartit.

Paraqitur në ”Motor Show” në Frankfurt, modeli EQ ka një autonomi mbi 400 kilometra dhe mund të mbajë deri në tetë pasagjerë me një komoditet absolut.

Vlerësohet si një makinë familjare dhe për kohën e lirë dhe si një veturë përfaqësuesish të  kompanive ose si një veturë e dedikuar për hotele.

Gjithashtu i rëndësishëm është kapaciteti i bagazhit i cili mund të arrijë një vëllim ngarkese deri në 1410 litra.

EQV ofron të gjithë kënaqësinë e ngasjes për të cilën është e aftë një veturë elektrike me bateri.

Motori elektrik jep një fuqi maksimale prej 150 kw (204 hp) dhe një fuqi të vazhdueshme prej 70 kw (95 kf).

Energjia elektrike sigurohet nga bateria litium-jon e ftohur me ujë me një kapacitet të përdorshëm prej 90 kWh.

Karikimi i baterisë shkon nga 10 në 80% në vetëm 45 minuta me një stacion të karikimit të shpejtë. Falë shpejtësisë maksimale prej 160 kilometra në orë, minivan siguron performancë të konsiderueshme edhe jashtë qendrave urbane.

EQV është e integruar në një ekosistem të lëvizshmërisë elektrike që përbëhet nga vozitja inteligjente me menaxhim aktiv të autonomisë dhe shërbime dhe aplikacioneve.

Funksioni i njësisë qendrore të kontrollit i është besuar sistemit informatik të MBUX.

Të gjitha ekranet dhe cilësimet e EQ mund të menaxhohen në menunë MBUX EQ përmes ekranit prekës me rezolucion të lartë 10.25". Për shembull, është e mundur të aktivizoni paraklimatizimin, të përshtatni cilësimet e karikimit dhe të menaxhoni navigimin me funksionet e inteligjencës elektrike të cilat lejojnë hyrjen në stacionet e karikimit publik të mbi 300 operatorëve. Para fillimit të procesit të tarifimit, klienti i regjistruar identifikohet përmes MBUX, aplikacionit Mercedes gjithçka tjetër, përfshirë procesin e pagesës, trajtohet automatikisht./Motilokal.com