Produkte plastike dhe polietileni të patretshme janë gjetur në jashtëqitjet e elefantëve, të cilët kanë ngrënë mbeturina në një vendgrumbullim që është vendosur në habitatin e tyre në Sri Lanka.

Imazhet tronditëse të elefantëve që kërkonin ushqim në një deponi plehrash në Oluvil u kapën nga fotografi Jaffna Tharmaplan Tilaxan.

Deponia e hapur e plehrave, e cila gjendet në xhunglat e krahinës lindore dhe paraqet rrezik për popullatën elefantëve, të cilët aksidentalisht hanë mikroplastikë në mbeturina.

“Prej një kohe të gjatë, këta elefantë janë parë të ushqehen me mbeturina, të cilat u janë dërguar në habitatin e tyre”, tha Tilaxan.

Tufa prej 25-30 elefantësh janë mësuar tashmë të ushqehen pranë vendbanimit të njerëzve, duke shkatërruar edhe të mbjellat e tyre në kërkim të ushqimit.

Një elefant udhëton zakonisht deri në 30 kilometra në ditë në kërkim të ushqim, por në Sri Lanka duket se nuk është e nevojshme për këto kafshë gjigante edhe pse nuk është ushqimi i duhur për ta.

Mbeturinat nga rrethet duke përfshirë Sammanthurai, Kalmunai, Karaitheevu, Ninthavur, Addalachchenai, Akkaraipattu dhe Alaiyadi Vembu hidhen atje.

Deponia ngadalë ka shkelur në pyllin ngjitur, duke u bërë lehtësisht e arritshme për elefantët.

Ndërsa ishte një gardh i ngritur rreth deponisë, ai tani është thyer dhe nuk mund t'i parandalojë hyrjen e tyre.

Që kur deponia është rritur, pylli është mbuluar me qese polietileni, plastikë të hedhur dhe mbeturina të tjera.

Sasi të mëdha të ndotësve të patretur janë gjetur në sekretimin e kafshëve të egra./Motilokal.com