Të paktën 17 delfinë janë gjetur të ngordhur në bregdetin e Mauritius, duke nxitur debate nëse shkaktare është rrjedha e naftës nga anija japoneze.

Aktivistët mjedisorë thanë se ngordhjet ishin shkaktuar ose prej naftës së dalë nga cisterna japoneze, ose nga vendimi i autoriteteve vendase për ta fundosur atë.

Ministri vendas i peshkimit tha se “në pamje të parë” ngjarja nuk kishte lidhje me incidentin e rrjedhjes.

Ai tha se të paktën dy nga delfinët kishin kafshime nga peshkaqenët.

Kufomat e delfinëve tashmë po i nënshtrohen analizave.

Është diçka e rrallë që numër kaq i madh delfinësh të gjendet të vdekur në të njëjtën kohë. Në maj 2019 diçka e tillë ndodhi me dy prej tyre.

Këto janë ngordhjet e para të raportuara të delfinëve që kur anija u përplas në brigjet e Mauritius, Deri më tani, shumë peshq dhe gaforre janë gjetur të ngordhura.

Pamja e delfinëve shkaktoi zemërim tek banorët.

"Të zgjohesh këtë mëngjes me pamjen e kaq shumë delfinëve të ngordhur në bregdetin tonë është më keq sesa një makth", tha banori Nitin Jeeha BBC-së.

"Kam parë rreth tetë deri në 10 delfinë të ngordhur. A ka më shumë në lagunë?"

Edhe pse shumë nga delfinët u gjetën të ngordhur, disa u zbuluan të dobët ose ngordhnin në breg.

A ishte faji i derdhjes së vajit?

Aktivistët e mjedisit i thanë BBC-së që menduan kështu.

Anija transportuese japoneze e naftës Wakashio u bllokua në tokën e bregut koralor më 25 korrik në vendin e quajtur Pointe d’Esny, i njohur për botën e rrallë të egër detare.

Oqeanografi vendas Vassen Kauppaymuthoo tha se delfinëve u vinte era karburant.

Grupi mjedisor ‘Greenpeace Africa’ paralajmëroi se mijëra kafshë detare rrezikohen të vdesin nga ndotja dhe se kjo do të ketë pasoja për ekonominë e Mauritius, ku më parë turistët notonin në ujë me delfinët./Motilokal.com