Me moton “Ec me ne”, edhe këtë vit është shënuar Java Evropiane e Mobilitetit, e cila ka për qëllim të inkurajojë qytetet që të prezantojnë dhe promovojnë masa të qëndrueshme të transportit dhe të ftohen njerëzit të provojnë alternativa tjera të lëvizjes kundrejt përdorimit të automjeteve.

Dita Ndërkombëtare pa Makina është shënuar me disa aktivitete në kryeqytet.

Në një postim në Facebook të Komunës së Prishtinës thuhet se shumë qytetarë iu janë bashkuar thirrjes që të përdorim sa më pak automjete për një ambient më të pastër.

“Në "Ditën pa makina" shumë qytetarë iu bashkuan thirrjes që të përdorim sa më pak automjete për një ambient më të pastër, të ecim, të çikëlojmë dhe kështu të jemi shembull për gjeneratën e ardhshme.”

“Është më e pakta që mund të e bëjmë për ta dhe planetin Tokë”, thuhet në postimin e Komunës në Facebook. /Motilokal.com