Disa foto dramatike janë kapur në momentin kur një luan 160 kilogramë tenton të hajë shtatë impala që i dolën përpara.
Mbreti i xhunglës u fotografua teksa ia mësy drejt tufës, duke u përpjekur t’i kapte të gjitha me gojë.
Fotografi Chad Fisher nga Durban, Afrika e Jugut, ishte në Parkun Kombëtar Kruger kuu vetëm 20 metra larg nga automjeti i tij, luani u shfaq papritmas.
Mbreti i Xhunglës dukej se nuk po i besonte syve kur pa një grup këlyshësh të njomë impalash. Në pamje duket luani që kap një prej tyre në gojë kurse një tjetër qëndron e tmerruar në këmbët e tij.
Fisher për skenën tha: “Luani po përpiqej të kapte të gjitha impalat në gojën e tij. Ai dukej se ishte në marshimin e tij rutinor territorial dhe sapo i pa impalat u vu menjëherë pas tyre. Impalat e vogla rrëshqisnin e rrëzoheshin nga paniku.”
Fisher sapo e pa ngjarjen pa menduar shpejt nxori aparatin e tij dhe kapi skenat e jashtëzakonshme.
Zakonisht luaneshat femra dalin në gjueti për të kapur prenë, kurse meshkujt qëndrojnë duke ruajtur territorin ose të vegjlit e tyre. Por meshkujt janë më të aftë të gjuajnë dhe krijojnë taktika të veçanta për këtë. Femrat luanesha gjuajnë në grup kurse meshkujt e bëjnë vetëm pasi preferojnë të fshihen për të zënë gjahun në befasi.
Meshkujt zakonisht kryejnë rreth 10 për qind të gjuetisë së presë./Motilokal.com