Fusha magnetike e Tokës mund të ndryshojë 10 herë më shpejt sesa mendohej më parë, sipas hulumtimeve të reja, pothuajse 100 herë më shpejt se ndryshimet aktuale.

Shkencëtarët në Mbretërinë e Bashkuar kanë simuluar historinë e rrjedhës së lëkundshme të hekurit përreth 3.000 kilometra nën sipërfaqen e planetit, duke  përfshirë 100,000 vitet e fundit. 

Bërthama e jashtme e Tokës prej metali të shkrirë krijon rryma elektrike që mbushin fushën magnetike të planetit.

Fusha magnetike është thelbësore për jetën në Tokë, sepse jo vetëm që na ndihmon me gjëra të tilla si sistemet e lundrimit, por edhe na mbron nga rrezet e hapësirës.

Studimi, i botuar në Nature Communications, tregon në detaje se si studiuesit zbuluan se njohuritë tona për fushën magnetike janë të gabuara dhe tregon se ndryshimet në drejtimin e fushës magnetike mund jenë deri në 10 herë më të shpejta sesa shpejtësia e regjistruar deri më tani.

Fusha magnetike po ndryshon vazhdimisht dhe satelitët japin mjete të reja për të matur dhe ndjekur ndërrimet e tij aktuale.

Studimi zbulon së ndryshimi i drejtimit të fushës magnetike rreth 39,000 vjet më parë.

Sipas shkencëtarëve ndryshimi prej 2.5 gradë në vit, është shumë më i shpejtë sesa vlerësimet e mëparshme.

Ndryshimi u parapri nga ekskursioni global Lashampina, një ndryshim i shkurtër në fushën magnetike të Tokës rreth 41,000 vjet më parë.

Polet magnetike të Tokës kanë ndryshuar shumë herë në histori, dhe ne e dimë këtë për shkak të “përbërjes” magnetike të disa shkëmbinjve antikë që tregojnë metale me polarizime të ndryshme.

Kjo është e rëndësishme sepse ndryshime të tilla të shpejta kanë të bëjnë me dobësimin lokal të fushës magnetike, që do të thotë se Toka është më e ndjeshme ndaj elementeve radioaktive të hapësirës në atë kohë dhe në ato lokacione.

Sidoqoftë, në përgjithësi, gjatë shekullit të kaluar, fusha magnetike e Tokës ka parë një ulje të forcës prej 10%, me një dobësim të veçantë të vërejtur mbi Oqeanin Atlantik midis Afrikës dhe Amerikës së Jugut.

E njohur si anomali e Atlantikut të Jugut, zona ka provuar të jetë një vatër problemesh teknike për satelitët që rrotullohen në Tokë, me disa shkencëtarë që sugjerojnë se dobësia është një shenjë e ndryshimit të afërt gjeomagnetik.

Në çdo rast, të kuptuarit e fushës magnetike të Tokës përmes kohës gjeologjike është tepër komplekse.

"Ne kemi njohuri shumë të paplota të fushës sonë magnetike para 400 viteve", tha Dr Chris Davies një profesor i asociuar i Leeds.

"Meqenëse këto ndryshime të shpejta përfaqësojnë disa nga sjelljet më ekstreme të thelbit të lëngshëm, ato mund të japin informacione të rëndësishme në lidhje me sjelljen e brendësisë së thellë të Tokës."/Motilokal.com