Një tërmet me fuqi prej 5.4 ballë sipas shkallës së Rihterit ka goditur sot provincën lindore turke Van.

Sipas njoftimit të Drejtorisë për Menaxhimin e Katastrofave dhe Emergjencave (AFAD) epiqendra e tërmetit është regjistruar në distriktin Ozalp në thellësi prej 6.9 kilometrash.

Tërmeti u regjistrua rreth orës 13:03 sipas kohës lokale ndërsa është ndierë edhe në disa qytete fqinje.

Ministri i Punëve të Brendshme të Turqisë, Süleyman Soylu tha se deri tani nuk ka informacione për pasoja të mëdha nga tërmeti.

“Sipas informacioneve të para duket se në qendër të Ozalpa-s nuk ka dëme. Në rrjedhë është mbledhja e informacioneve nga rajonet rurale dhe ka arritur vetëm një alarm për një shtëpi të dëmtuar. Ekipet e AFAD-it dhe shërbimet kompetente të provincës janë në terren dhe do të lajmërojnë opinionin për detajet”, tha Soylu në Twitter./Motilokal.com