Kompania Rajonale e Ujësjellësit “Prishtina” ka njoftuar se në ditët e fundit kanë filluar të rriten shumë kërkesat për ujë të pijshëm.

Sipas KRU “Prishtina”, niveli i ujit në liqenin e Batllavës është 8.15 metra nën kuotën maksimale, ndërsa niveli i ujit në liqenin e Badovcit është 10.55 metra nën kuotën maksimale.

Ujësjellësi ka bërë thirrje për kursim të ujit, ndërsa ka dhënë disa këshilla rreth përdorimit të tij.

Njoftimi i plotë i Ujësjellësit “Prishtina”:

Të dashur qytetarë / konsumatorë të Kompanisë Rajonale të Ujësjellësit,,Prishtina,, sh.a., ju njoftojmë se kanë filluar të rriten dukshëm kërkesat për ujë të pijshëm.

Niveli i ujit në liqenin e Batllavës është 8.15 metra nën kuotën maksimale, ndërsa niveli i ujit në liqenin e Badovcit 10.55 metra nën kuotën maksimale.

Përsërisim sërish disa këshilla rreth përdorimit të ujit:

Çfarë mund të bëjë secili prej nesh, për të ndaluar keqpërdorimin e ujit, për të ruajtur burimet e ujit, më poshtë gjeni bashkëngjitur disa këshilla që duhet përmbajtur secili konsumatorë:

- Mos lejoni të rrjedhë ujë kot nga rubineti juaj,

- Mos përdorni ujin e pijshëm për të larë veturat,

- Mos përdorni ujin e pijshëm për ndërtime në qytet,

- Mos pastroni trotuaret me ujin e pijshëm,

- Mos harroni të mbyllni rubinetin, pasi të lani dhëmbët,

- Mos ujitni lulet, kopshtet dhe arat,

- Paguani rregullisht ujin që konsumoni,

- Mos lejoni ndërhyrjet pa leje në rrjetin e ujësjellësit,

- Të gjithë jemi përdorues të ujit, prandaj ne jemi edhe përgjegjës për të shfrytëzuar atë, në mënyrë të drejtë.

- Ujin mund ta zëvendësojë vetëm uji, andaj kurseje atë.

Bashkërisht për një furnizim stabil me ujë të pijshëm!/Motilokal.com