India ka shënuar raste rekorde të koronavirusit ditëve të fundit. Sidoqoftë, kjo nuk është sfida e vetme me të cilën po përballet vendi aziatik. Atje po shënohen temperatura të larta, vërshime dhe karkalecat e shkretëtirës po i rrezikojnë të mbjellat.

Të mbjellat dhe plantacionet e perimeve në disa shtete indiane, përfshirë  Rajasthan, Punjab, Madhya Pradesh, Gujarat dhe Uttar Pradesh janë vërshuar nga karkalecat.

Qeveria ka rritur të reagojë me masa kundër karkalecave, duke bërë spërkatjen me pesticide e cila përfshin përdorimin e  droneve.

Operacionet janë duke u zhvilluar në më shumë se 300 lokacione nëpër disa rrethe të Rajasthan, Madhya Pradesh,  Gujarat, Uttar Pradesh dhe Punjab, tha të enjten zëdhënësi i ministrisë së bujqësisë Praveen Kavi.

Plantacionet e perimeve dhe të lashtat e pambukut janë sulmuar nga karkalecat që gllabërojnë "çdo lloj bimësie ose  jeshile", tha një zyrtar qeveritar.

India nuk ka parë një “vërshim” karkalecash në këtë shkallë që nga viti 1993, tha qendra e paralajmërimit.

Insektet kanë ardhur nga Pakistani midis korrikut dhe tetorit dhe kryesisht preken shtetin veriperëndimor Rajasthan, tha KL Gurjar nga Organizata e Paralajmërimit të Karkalecave të Indisë.

Karkalecat e shkretëtirës kanë sulmuar gjithashtu zona të tëra të Afrikës Lindore për muaj me radhë duke çuar Organizatën e Ushqimit dhe Bujqësisë të Kombeve të Bashkuara për të paralajmëruar në lidhje me kërcënimet ndaj sigurisë ushqimore në rajon.

Karkalecat e shkretëtirës janë ndër dëmtuesit më të rrezikshëm migratorë në botë. Një tufë kilometri katror mund të konsumojë ekuivalentin e ushqimit për 35,000 njerëz brenda një dite, kanë paralajmëruar agjencitë e KB-së./Motilokal.com