Gjatë vapës së verës, trupi ka nevojë për më shumë lëngje, dhe në vend të pijeve të gazuara dhe të ëmbla, ekspertët rekomandojnë pije natyrale që freskojnë dhe ndihmojnë në hidratim.
Një nga zgjedhjet më të thjeshta është uji me limon dhe mente të freskët. Shtoni disa feta limoni dhe disa gjethe menteje në një shishe me ujë të ftohtë, dhe disa kube akulli nëse dëshironi. Pija është freskuese dhe nuk përmban sheqer të shtuar.
Çaji i ftohtë pa sheqer është gjithashtu një mundësi e shkëlqyer. Përgatitni çaj jeshil ose të zi, lëreni të ftohet, pastaj shtoni feta limoni, portokalli ose disa gjethe menteje. Nëse dëshironi, ftoheni me akull.
Ata që i pëlqejnë frutat mund të përgatisin një pije me shalqi dhe limon. Thjesht përzieni disa copa shalqiri të ftohtë me lëngun e një limoni. Nëse dëshironi, shtoni disa gjethe menteje ose pak ujë mineral për më shumë freski.
Këto pije përgatiten vetëm në pak minuta, nuk përmbajnë sheqer të shtuar dhe janë një mënyrë e shkëlqyer për t'u freskuar dhe për të pirë lëngje të mjaftueshme gjatë ditëve të nxehta të verës.
/Motilokal.com
