Kompania Rajonale e Ujësjellësit “Prishtina” ka njoftuar për ndërprerje të përkohshme të furnizimit me ujë në disa zona të kryeqytetit, si pasojë e një defekti në rrjetin e ujësjellësit.
Sipas njoftimit, problemi lidhet me një lidhje të gypit në rrugën “Ulëza”, e cila është realizuar para disa ditësh nga kontraktori i Komunës së Prishtinës. Si rrjedhojë, furnizimi me ujë do të ndërpritet deri në përfundimin e punimeve, që pritet rreth orës 18:00.
Pa furnizim me ujë do të mbeten këto zona:
- Hajvalia (pjesërisht)
- Veterniku
- Lagjja Nic
- Lagjja Qershia
- Lagjja Qëndresa
- Lagjja Priam
- Miradi e Epërme
Nga KRU “Prishtina” kërkohet mirëkuptim nga qytetarët, ndërsa theksohet se publiku do të njoftohet për çdo zhvillim të mëtejmë lidhur me këtë rast.
/Motilokal.com
