Dimër në maj - reshjet e borës kanë mbuluar pjesë të verilindjes së Shteteve të Bashkuara dhe Kanadasë.

Një vorbull polare ka sjellë mot të ftohtë dhe dëborë në pranverë në verilindje të Shteteve të Bashkuara dhe Kanadasë.

Rrjedha e ajrit arktik goditi jugun të shtunën, duke sjellë mot të pazakontë për muajin maj. Në shumë zona, reshjet e dëborës ranë duke krijuar një sfondi të qiejve me diell, pemëve të gjelbëruara dhe luleve.

Shërbimi Kombëtar i motit i SHBA-ve lëshoi një paralajmërim për një të ftohtë që nga e diela për shumicën e verilindjes së vendit.

Pjesë të New Jersey u zgjuan në një surprizë mjaft të ftohtë të shtunën me një shtresë dëbore pasi temperaturat në disa zona të shtetit amerikan zbritën nën zero gradë Celsius.

Dëbora mbuloi pjesë të qarqeve Sussex dhe Morris dhe madje arriti në Central Park në New York City, që është një dukuri e rrallë.

Reshjet e borës u regjistruan për herë të fundit në pranverë të vitit 1977, sipas mediave lokale. Niveli i ulët gjatë natës prej 1 gradë Celsius ishte gjithashtu një rekord ditor.

Administrata Kombëtare e Oqeanit dhe Atmosferës raportoi reshje të konsiderueshme dëbore në New York, Pennsylvania, New Hampshire, Massachusetts dhe Maine ndërsa Vermont regjistroi 23 centimetra dëborë.

Të paktën 20 shtete ishin paralajmëruar për mot të ftohtë dimri. Temperaturat e ulëta pritet të zgjasin për pjesën më të madhe të javës që vjen, përpara se ajri i butë të fillojë të përhapet nga jugu nga e enjtja.

Është një pamje e ngjashme për Kanadanë qendrore me reshje të mëdha dëbore në jug të Ontarios. Një njoftim këshillues për ngrica është lëshuar për rajonin, autoritetet kanë paralajmëruar "temperatura afër ose nën mesatare" priten të mërkurën./Motilokal.com