Rreth 100 shkencëtarë janë të bindur se rritja mesatare globale e nivelit të detit do të jetë shumë më e lartë sesa parashikohet nga Këshilli Botëror i Klimës.

Shkencëtarët zbuluan se rritja mesatare globale e nivelit të detit mund të rritet një metër deri në 2100 dhe pesë metra deri në 2300 nëse njerëzimi vazhdon të emetojë kaq shumë gazra që shkaktojnë efektin e serrës si deri tani. Ky është rezultati i një studimi aktual të 106 ekspertëve kryesorë, njofton Instituti i Potsdamit për Studimin e Pasojave Klimatike (PIK). Në grupin studimor të drejtuar nga Universiteti Teknologjik Nanyang (NTU) në Singapor, u përfshinë përveç PIK-ut universitete nga Hong Kongu, SHBA, Britania e Madhe dhe Irlanda.

Në një skenar ku ngrohja globale është e kufizuar në 2 gradë Celsius mbi nivelet para-industriale, ekspertët vlerësuan një rritje prej 0.5 metrash deri në 2100 dhe 0.5 në 2 metra me 2300. Në një skenar të emetimeve të larta me 4.5 gradë celsius të ngrohjes, ekspertët vlerësuan një rritje më të madhe nga 0.6 në 1.3 metra deri në 2100 dhe 1.7 në 5.6 metra deri në 2300, shkruan Phys.org

Sipas ekspertëve paqartësitë më të mëdha lidhen me akullnajat e Groenlandës dhe të Antarktidës. Matjet satelitore tregojnë se mburojat e akullnajore po e humbasin masën e tyre gjithnjë e më shpejt për shkak të ngrohjes globale. Në përgjithësi, vlerësimi i ri i rrezikut është gjithashtu më i lartë se ai i Këshillit Botëror të Klimës IPCC. Ky i kishte ngritur kohët e fundit parashikimet e tij për ngritjen e niveleve të detit me gati dy të tretat. Por tani duket sikur sfida është edhe më e madhe nga sa mendohej – dhe prandaj kundërmasat janë edhe më urgjente, thekson Instituti i Potsdamit për Studimin e Pasojave Klimatike./Motilokal.com