Shkencëtarët britanikë kanë zbuluar imazhet e para të hollësishme të Sars-CoV-2 - që tregojnë sesi mikrobi vrasës shumohet në brendësi të trupit të njeriut.

Një ekip nga Universiteti i Shkencave të Dundee ka publikuar disa nga fotot më të qarta të regjistruara të virusit, i cili ka vrarë më shumë se 247,000 në të gjithë botën.

Ata tregojnë formimin e grimcave Sars-CoV-2 – virusi, i cili shkakton sëmundje COVID-19 - prekin indet e zorrëve të njeriut, të para në një mikroskop super-të-fuqishëm.

Koronavirus, i cili ka ngjyrë të bardhë, tregohet se si infekton një version të zorrëve të njeriut në të djathtë 

Gjithashtu ata tregojnë që virusi grumbullohet dhe largohet nga qelizat e zorrëve të njeriut.

Shkencëtarët e Universitetit të Dundee punuan së bashku me ata të Institutin Hubrecht në Utrecht, Qendrën Mjekësore Universitare Erasmus në Roterdam dhe Universitetin Maastricht në Holandë për të izolimin e pamjeve specifike.

Shkencëtarët nga ekipi zbuluan gjithashtu se Sars-CoV-2 mund të infektojë qelizat e zorrëve dhe të shumëfishojë ato.

Koronavirusi i cili është me ngjyrë të bardhë, infekton zorrën 

Duke përdorur modele të stimuluara të qelizave në zorrët e trupit të njeriut, studiuesit arritën të kultivonin virusin në epruveta dhe të monitoronin reagimin e qelizave ndaj tij.

Këto gjetje mund të shpjegojnë faktin se afërsisht një e treta e pacientëve COVID-19 përjetojnë simptoma gastrointestinale si diarre, dhe faktin që virusi shpesh mund të zbulohet në mostrat e jashtëqitjes.

Pacientët me COVID-19 tregojnë një shumëllojshmëri të simptomave të shoqëruara me organet e frymëmarrjes - të tilla si kollitja, teshtitja, frymëmarrja dhe ethe - dhe sëmundja transmetohet përmes pikave të imta që përhapen kryesisht nëpër grimcat e ajrit.

Imazh i koronavirusit Sars-CoV-2 (pikat e zeza) në hyrjen e një qelize të zorrëve

Sidoqoftë, një në tre pacientë vuan gjithashtu simptoma gastrointestinale, si të vjella e diarre.

Mbi të gjitha, virusi mund të zbulohet në jashtëqitjet njerëzore shumë kohë pasi simptomat e frymëmarrjes janë zgjidhur.

Objektet e verdha të rrumbullakëta të skanuara në mikroskop elektronik, tregojnë virusin që shkakton COVID-19

Kjo sugjeron që ai gjithashtu mund të përhapet përmes të ashtuquajturës 'transmetim oral-fekal'.

Ky lloj i shkëmbimit të të dhënave nuk ka qenë kurrë më i rëndësishëm sesa në situatën tonë aktuale.

Shkencëtarët kanë ngjyrosur pamjet që virusi të dallohet nga qelizat e shëndetshme.

Biologu profesor Jason Swedlow tha: “Ne jemi të emocionuar të publikojmë këto të dhëna për studiuesit në të gjithë botën, së bashku me fotot respektive. Kemi përfshirë në to shënime, që studiuesit të bëjnë ekzaminimet dhe zbulimet e tyre”.

Në mars, shkencëtarët publikuan imazhe që tregojnë se virusi po shpërthen nga sipërfaqja e qelizave njerëzore të cilat u kultivuan në një laborator dhe u morën nga një pacient në Amerikë nga Instituti Kombëtar i Shëndetit i SHBA-ve./Motilokal.com