Teleskopi hapësinor Hubble i NASA-s ka kapur imazhe që tregojnë shpërthimin e një komete të brishtë, C/2019 Y4 (ATLAS). Hubble identifikoi rreth 30 fragmente më 20 prill dhe 25 copë më 23 Prill, njoftoi NASA.

"Pamja e tyre ndryshojnë ndjeshëm midis dy ditëve, aq sa është mjaft e vështirë të lidhësh pikat," tha David Jewitt, Profesor në Universitetin e Kalifornisë, Los Angeles, dhe drejtues i një prej dy skuadrave që fotografuan kometën me Hubble.

"Nuk e di nëse kjo ndodh sepse pjesët individuale ndezin dhe fiken pasi reflektojnë rrezet e diellit, sepse fragmente të ndryshme shfaqen në ditë të ndryshme."

Rezultatet janë dëshmi se copëzimi i kometës është në të vërtetë mjaft i zakonshëm, thanë studiuesit. Mund edhe të jetë mekanizmi mbizotërues me të cilin vdesin bërthamat e ngurta, të akullta. Për shkak se kjo ndodh shpejt dhe në mënyrë të paparashikueshme, astronomët mbeten kryesisht të pasigurt për shkakun e copëzimit.

"Kjo është vërtet emocionuese - për shkak se ngjarje të tilla janë super të lezetshme për t’u parë dhe sepse ato nuk ndodhin shumë shpesh”, tha Quanzhi Ye, nga Universiteti i Maryland, College Park.

Kometa u ndriçua shpejt deri në mes të marsit, dhe disa astronomë parashikuan se mund të ishte e dukshme me sy të lirë në maj, për t'u bërë një nga kometat më spektakolare të shikuara në 20 vitet e fundit. Sidoqoftë, kometa befas filloi të zbehej në vend të ndritshme. Kometa që po shpërbëhej ishte rreth 146 milionë kilometra larg Tokës kur u morën vëzhgimet e fundit të Hubble.

Nëse ndonjë prej tyre mbijeton, kometa do të bëjë afrimin e saj më të afërt me Tokën në 23 maj në një distancë prej rreth 116 milionë kilometra dhe tetë ditë më vonë ajo do të kalojë diellin në 40 milion kilometra, tha NASA./Motilokal.com