Shkallët lëvizëse, që gjenden në qendra tregtare, dyqane të mëdha, aeroporte, stacione trenash dhe hapësira të tjera publike, e lehtësojnë ndjeshëm lëvizjen, sidomos kur mbahen bagazhe ose sende të rënda. Ato përdoren çdo ditë nga qindra njerëz dhe janë bërë pjesë e pandashme e jetës urbane.
Megjithatë, parmakët e shkallëve lëvizëse, të cilët preken vazhdimisht për të ruajtur ekuilibrin, grumbullojnë sasi të mëdha pluhuri, papastërtie dhe mikrobesh. Pikërisht për këtë arsye, ato konsiderohen ndër sipërfaqet më të ndyra në hapësirat publike.
Një grua ka realizuar një eksperiment të thjeshtë, duke vendosur një ngjitëse në parmakun e një shkalle lëvizëse dhe një faculetë në shiritin transportues. Me lëvizjen e shkallës, ngjitësja u afrua drejt pëlhurës, duke treguar qartë sa shumë papastërti transferohet nga parmakët.
Sipas CBS News, kangjellat e shkallëve lëvizëse renditen ndër vendet më të ndyra në qendrat tregtare. Dr. Charles Gerba, pjesë e një paneli ekspertësh të intervistuar nga Health.com, ka zbuluar se testet laboratorike kanë identifikuar prani ushqimi, baktere E. coli, urinë, mukus, jashtëqitje dhe madje edhe gjak në parmakët e shkallëve lëvizëse.
/Motilokal.com
