Hulumtimet e reja kanë treguar se ecja e përditshme mund të zvogëlojë rrezikun e dhimbjeve kronike të shpinës së poshtme, gjë që mund të jetë një lehtësim i konsiderueshëm për njerëzit me këtë problem.

Shkencëtarët nga Universiteti Norvegjez i Shkencës dhe Teknologjisë analizuan të dhënat e më shumë se 11,000 personave mbi moshën 20 vjeç, të cilët nuk kanë pasur dhimbje kronike të shpinës së poshtme.

Secili prej tyre mbante një pajisje për të matur aktivitetin për një javë, e cila regjistronte se sa gjatë dhe sa shpejt ecnin. Studiuesit më pas i ndoqën ata për katër vjet të tjerë për të përcaktuar se kush "zhvilloi" dhimbje të shpinës së poshtme.

"Sa më shumë hapa të bënin pjesëmarrësit, aq më rrallë përjetonin dhimbje shpine", shkruan ata. Ata që ecnin midis 78 dhe 100 minutave çdo ditë ulën rrezikun e këtij problemi shëndetësor me 13 përqind.

Njerëzit që ecnin më shumë se 100 minuta në ditë e ulën rrezikun e tyre deri në 23 për qind. Gjithashtu u zbulua se pjesëmarrësit që ecnin më shpejt e ulën rrezikun e tyre me 15 përqind deri në 18 përqind krahasuar me ata që ecnin më ngadalë.

Megjithatë, koha totale e kaluar duke ecur bëri një ndryshim të madh. Njerëzit që ecnin më shumë dhe rritnin ritmin e tyre kishin më pak gjasa të zhvillonin dhimbje të shpinës së poshtme.

/Motilokal.com