Pas tërmetit të fuqishëm që goditi Stambollin të mërkurën, shumë banorë kaluan natën në salla sportive, xhami dhe parqe publike, në kërkim të një ambienti më të sigurt.

Tërmeti me magnitudë 6,2, që kishte epiqendrën në rrethin e Silivrit, shkaktoi panik në qytet, duke rezultuar në lëndimin e 236 personave, sipas njoftimeve nga autoritetet. Dridhja u pasua nga disa tërmete të tjera më të lehta.

Ministri i Mjedisit, Urbanizmit dhe Ndryshimeve Klimatike, Murat Kurum, bëri të ditur se janë marrë 378 raportime për dëme strukturore, ndërsa nëntë banesa janë shpallur të pabanueshme dhe të nevojshme për evakuim.

Sipas Drejtorisë së Menaxhimit të Fatkeqësive dhe Emergjencave (AFAD), nga vlerësimet e deritanishme të raporteve të pranuara në Qendrën e Thirrjeve Emergjente 112, nuk është raportuar asnjë viktimë apo shkatërrim i rëndë si pasojë e tërmetit.

AFAD theksoi se të gjitha institucionet përkatëse dhe ekipet e emergjencës janë mobilizuar, ndërsa inspektimet në terren vazhdojnë për të vlerësuar dëmet dhe për të garantuar sigurinë e qytetarëve.

/Motilokal.com