SHBA mund të kthehet në epokën e shiut acid toksik, një problem mjedisor që mendohej se ishte zgjidhur dekada më parë. Kjo mund të jetë për shkak të tërheqjes së mbrojtjeve nga ndotja të zbatuara nga administrata e Donald Trump, paralajmëroi shkencëtari që zbuloi ekzistencën e shiut acid në Amerikën e Veriut.

Blitzkrieg i nisur nga Agjencia për Mbrojtjen e Mjedisit të Trump (EPA) për të rikthyer rregullat e ajrit dhe ujit të pastër mund të kthejë SHBA-në në një kohë kur qytetet ishin të mbuluara në mënyrë rutinore nga smogu dhe madje ndihmonin në rikthimin e shiut acid, thotë Gene Likens, eksperimentet e të cilit ndihmuan në identifikimin e shiut acid në vitet 1960.

Megjithëse përmirësimet drastike në cilësinë e ajrit të Amerikës e kanë kthyer shiun acid në një relike të së shkuarës, Likens tha se problemi mund të kthehet në SHBA nëse rregullat që kufizojnë emetimet toksike nga termocentralet, veturat dhe kamionët vazhdojnë të kthehen në mënyrë agresive.

“Jam shumë i shqetësuar se kjo mund të ndodhë, sigurisht që nuk është e pamundur që kjo të ndodhë”, tha Likens për Guardian. Likens është ende i përfshirë në një projekt afatgjatë të monitorimit të shiut acid, i cili ka vazhduar që nga viti 1976, por administrata Trump sapo ka ndërprerë fondet për këtë program.

Në vitin 1963, Likens, si një shkencëtar i ri, mori mostra nga uji i shiut në Pyllin Eksperimental Hubbard Brook në New Hampshire dhe zbuloi se ishte 100 herë më acid se sa pritej.

Vite të tëra studimesh pasuese nga Likens dhe shkencëtarë të tjerë kanë përcaktuar se ndotja që përhapet nga termocentralet me qymyr në Midperëndimin Amerikan bartet nga era, kryesisht në SHBA-në lindore dhe Kanada. Dioksidi i squfurit dhe oksidet e azotit në ndotje reaguan me ujin dhe oksigjenin për të formuar acide sulfurik dhe nitrik, të cilët u bashkuan me ujin dhe ranë në tokë si shi acid.

Deri në vitet 1980, reshjet mesatare në SHBA ishin 10 herë më acide se normale, me efekte shkatërruese në mjedis. Liqenet dhe përrenjtë u bënë shumë acid për të mbështetur peshqit dhe amfibët, lëndët ushqyese u zhdukën nga toka dhe shiu dëmtoi bimët, pemët madje edhe ndërtesat.

/Motilokal.com