Kapaciteti i energjisë së erës në Evropë u rrit me 16.4 gigavat vitin e kaluar në 285 gigavat.
Sipas raportit të Shoqatës Evropiane të Energjisë së Erës, WindEurope, i cili përfshin Statistikat e Evropës 2024 dhe parashikimet 2025-2030, 84 për qind e rritjes së kapacitetit të vitit të kaluar përbëhej nga termocentralet e erës në tokë.
Gjermania u rendit e para në këtë rritje të kapacitetit me 4 gigavat. Ajo u pasua nga Britania e Madhe me një rritje prej 1.9 gigavat, Franca me 1.7 gigavat, Finlanda me 1.4 gigavat, Turqia me 1.3 gigavat, Spanja me 1.2 gigavat dhe Suedia me 1 gigavat.
Kapaciteti i energjisë së erës në Evropë u rrit me 16.4 gigavat vitin e kaluar në 285 gigavat. Gjatë kësaj periudhe, rritja totale e kapacitetit të energjisë së erës në 27 vende të Bashkimit Evropian ishte 12.9 gigavat.
Vitin e kaluar, Danimarka dhe Irlanda ishin ndër vendet me përqindjen më të lartë të energjisë së erës në kapacitetin e instaluar. Sipas raportit, energjia e erës përbënte 56 për qind të kapacitetit total të energjisë elektrike në Danimarkë dhe 33 për qind në Irlandë. Në Ukrainë, megjithë luftën e vazhdueshme, një fermë ere 45 megavat u vu në punë vitin e kaluar.
Nga ana tjetër, rritja e kapacitetit të energjisë së erës në Evropë pritet të jetë 186 gigavat në periudhën 2025-2030. Kontributi i Bashkimit Evropian në rritjen totale të kapacitetit vlerësohet të jetë 139 gigavat.
/Motilokal.com
