Reshjet e dendura të borës gjatë natës kanë bërë që disa aeroporte në Britaninë e Madhe, përfshirë Mançesterin, Liverpoolin dhe Leedsin, të mbyllin pistat e tyre.

Të gjitha fluturimet hyrëse në aeroportin e Mançesterit janë devijuar diku tjetër pasi nuk do të kishin mundur të uleshin, ka raportuar BBC. Aeroporti John Lennon i Liverpool-it po përpiqet të pastrojë pistën e tij, ndërsa Aeroporti Leeds Bradford po përballet gjithashtu me anulime dhe vonesa.

Zyra Met ka lëshuar tetë paralajmërime për motin, për zonat në të gjithë Britaninë e Madhe, të cilat paralajmërojnë rrezik të mundshëm për jetën dhe konsiderohen më serioze për Midlands, Uells dhe zonat e veriut. Ka pasur paralajmërime për akull dhe borë, nga të cilat kjo e fundit pritet të vazhdojë të bjerë, ku parashikohet të grumbullohen deri në 40 cm borë në zonat më të prekura.

Shërbimi i motit i ka thënë publikut që të përgatitet për vonesat dhe anulimet e trenave, ndërprerjet e energjisë elektrike dhe problemet e rrugëve në zonat e prekura. Ajo u ka bërë thirrje njerëzve që të jenë të vetëdijshëm për kushtet e akullit, me shi të ngrirë, akull dhe shi të dendur që shkaktojnë një sërë rreziqesh të mundshme të motit në vend.

/Motilokal.com