Një ditë pasi kryeqyteti Kroat ishte mbyllur në mënyrë efektive, banorët mëngjesin e sotëm përjetuan dy tërmete me magnitudë njëri 5.3 dhe tjetri 5.0 shkallës së riterit.

Dëshmitarët thonë se muret e disa ndërtesave janë plasaritur dhe çatitë janë dëmtuar. Rrugët në qendër të qytetit janë mbushur me mbeturina.

Katedralja ikonike e Zagrebit u dëmtua gjithashtu, pasi maja e njërës prej saj është shembur. Katedralja u rindërtua pasi u rrëzua nga tërmeti i vitit 1880, raportoi AP.

Njerëzve iu është bë thirrje që të shmangin hapësirat publike, siç janë parqet dhe sheshet publike, por nuk kishin zgjidhje tjetër pasi ata dilnin nga banesat e tyre.

"Mbani distancat tuaja. Mos u mblidhni. Ne po përballemi me dy kriza serioze, tërmetin dhe epideminë", tha Ministri i Brendshëm Davor Bozinoviç, raportoi AFP.

Qeveria Kroate u bëri thirrje qytetarëve të saj që të "qëndrojnë të qetë" dhe "të mbajnë distancat"./Motilokal.com