Moti për javën e ardhshme në Shqipëri pritet të jetë nën ndikimi e kushteve të qëndrueshme atmosferike me mot të kthjellët dhe vranësira të pakta kalimtare gjatë orëve të mesditës.

Të hënën moti parashikohet me kthjellime dhe vranësira kalimtare, nga mesdita do jetë më ngrohtë.

Dita e martë parashikohet me mot kryesisht me diell dhe vranësira kalimtare.

Edhe dita e mërkurë pritet të mbajë mot me diell dhe vranësira. Ndërsa nga orët e vona të natës  parashikohet ndryshim tërësisht i situatës meteorologjike, kjo për shkak të largimit gradual të qarkullimit anticiklonar për t’i lënë vend ndikimit të një qendre të thellë presioni të ulët me origjinë veriperëndimore e pozicionuar mbi Gadishullin Apenin.

/Motilokal.com