Arkipelagu i Svalbardit në Rrethin Arktik po ngrohet me ritmin më të shpejtë të çdo pjese të planetit, dhe vera e vitit 2024 ishte më e ngrohta që nga të paktën 1900.
Në gusht 2024 temperatura mesatare në stacionin e motit të Aeroportit Longyearbyen ishte e barabartë me 11 °C, pra 5 °C më e lartë se mesatarja e periudhës klimatike 1991-2020. Për 3 muajt e kësaj vere, devijimi i temperaturës mesatare nga e njëjta periudhë klimatike ishte e barabartë me +3,1 °C dhe është vera më e ngrohtë që nga viti 1900 me një vlerë mesatare prej 8.6 °C. 5 vitet më të ngrohta në këtë bazë të dhënash klimatike janë nga viti 2020 e deri më tani.
Arsyeja për ngrohjen më të shpejtë se mesatarja globale në Svalbard është kryesisht për shkak të rënies së shpejtë të akullit të detit Arktik dhe ndryshimeve në rrymat oqeanike dhe atmosferike. Në veçanti, Svalbard është në "anën e ngrohtë" të niveleve të ulëta barometrike të Atlantikut të Veriut, të cilat ndodhen gjithnjë e më shumë në veri, pasi deti nuk mbulohet më nga akulli për pjesën më të madhe të vitit.
/Motilokal.com
