Sipas të dhënave të shërbimit Kopernikus, korriku 2024 ishte 0.68°C më i ngrohtë se vlera mesatare e periudhës 1991-2020 në mbarë botën dhe është korriku i dytë më i ngrohtë pas korrikut 2023. Devijime pozitive u vunë re në pjesën më të madhe të hemisferës veriore dhe kryesisht në Amerikën e Veriut, Evropë dhe zona të Azisë Qendrore dhe Veriore.

Në Evropë, devijime të mëdha pozitive u vunë re në Evropën Lindore dhe Jugore, kryesisht në Ballkan, ku shumë rekorde të temperaturës u thyen nga vala e fortë dhe e zgjatur e të nxehtit që goditi rajonin në mes të korrikut. Temperatura në Ballkan në korrik 2024 ishte deri në 3-4°C mbi vlerën mesatare të periudhës 1991-2020, duke shënuar kështu në shumë vende të Ballkanit përfshirë Kosovën dhe Shqipërinë, Evropën Lindore korrikun më të ngrohtë që nga fillimi i regjistrimeve. Devijimet më të mëdha pozitive janë vërejtur në rajonin e Ukrainës.

Në Greqi, korriku 2024 ishte më i ngrohti që nga fillimi i rekordeve (pak më i ngrohtë se korriku 2012 dhe 2023 ). Devijimet më të mëdha pozitive të rendit 2-3°C u vunë re kryesisht në Greqinë Veriore dhe Perëndimore, devijime më të vogla pozitive u regjistruan në rajonin e Egjeut dhe në Kretë me prevalencë paralele të meltiumit.

/Motilokal.com