Sateliti i parë i komunikimit vendas dhe kombëtar i Turqisë, Turksat 6A nisi udhëtimin e tij hapësinor nga Stacioni i Forcave Hapësinore Cape Canaveral në Florida të SHBA-së, transmeton Anadolu.

Në ceremoninë e mbajtur në Stacionin e Forcave Hapësinore Cape Canaveral në Florida për nisjen e Türksat 6A morën pjesë Ministri i Transportit dhe Infrastrukturës, Abdulkadir Uraloğlu, Kreu i drejtorisë së Industrive të Mbrojtjes në Presidencë, Haluk Görgün, Drejtori i Përgjithshëm i Türksat, Hasan Hüseyin Ertok, Kreu i Institucionit Shkencor dhe i Kërkimeve Teknologjike të Türkiyes (TÜBİTAK), Dr. Hasan Mandal, Drejtori i Përgjithshëm i Aviacionit dhe Industrisë Hapësinore Turke (TUSAŞ), Mehmet Demiroğlu, Drejtori i Përgjithshëm i ASELSAN, Ahmet Akyol, Drejtori i Përgjithshëm i CTECH, Cüneyd Fırat dhe zyrtarë të tjerë.

Turksat 6A, sateliti i parë vendas dhe kombëtar i zhvilluar nga inxhinierët turq, u dërgua në hapësirë nga Kompleksi Lëshues 40 me raketën Falcon 9 të Space X.

Operacioni i lëshimit u krye me vonesë pasi u shty disa herë për shkak të kushteve të pafavorshme atmosferike.

Do të shërbejë në orbitën e tij në 42 gradë gjatësi lindore

Pas dërgimit të Turksat 6A me sukses në hapësirë, të gjitha kontrollet e orbitës dhe nënsistemit do të kryhen përmes stacioneve dhe sateliti do të fillojë udhëtimin e tij hapësinor drejt orbitës së tij në 42 gradë gjatësi lindore.

Me përfundimin e këtij udhëtimi do të kalohet në fazat e provave (testeve) orbitale dhe Turksat 6A pas testeve që do të zgjasin të paktën 1 muaj do të merret në dorëzim dhe do të vihet në funksion nga Turksat.

Popullsia ku do të arrijnë satelitët e Turkiye do të kalojë 5 miliardë

Turksat 6A, i cili do të jetë 35.786 kilometra larg botës, do të shërbejë me 20 transmetues Ku Band. Me Turksat 6A, i cili ka një fuqi prej 8,4 kilovat dhe peshon 4.229 kilogramë, zona e mbulimit që Turksat ofron shërbim do të zgjerohet duke përfshirë Indinë, Tajlandën, Malajzinë dhe Indonezinë.

Me futjen në funksion të satelitit, Turqisë do të jetë në gjendje të arrijë më shumë se 65 për qind të popullsisë së botës me satelitët e vet të komunikimit. Popullsia e arritur nga satelitët e Turqisë gjithashtu do të rritet nga 3.5 miliardë në mbi 5 miliardë.

Turksat 6A me një normë mbi 80 për qind vendas, u prodhua nga inxhinierë turq në Qendrën e Integrimit dhe Testimit të Sistemeve Hapësinore (USET) në TUSAŞ (TAI) në Ankara.

Ndërkohë, ministri Uraloğlu njoftoi se kanë marrë sinjalin e parë nga sateliti Turksat 6A.

/AA/Motilokal.com