Pas shpalljes pandemi nga Organizata Botërore e Shëndetësisë, sonte është mbledhur Qeveria e Kosovë për të marrë masat e para mbrojtësi ndaj Koronavirusit.

Në mbledhjen e qeverisë u mor vendim për ndërprerjen e mësimit edukativo-arsimor të institucioneve arsimore publike dhe private në të gjitha nivelet deri më 27 mars 2020, si dhe pezullimin e linjave ajrore dhe tokësore me risk të lartë dhe mesëm.

Këto janë masat e marra nga Qeveria e Kosovës:

1. Pezullimi i mësimit edukativo-arsimor të institucioneve arsimore publike dhe private në të gjitha nivelet deri më 27 mars 2020.

2. Pezullimi i linjave ajrore dhe tokësore me risk të lartë dhe mesëm,

3. Kontroll i obliguar i udhëtarëve në të gjitha hyrje-daljet e Kosovës,

4. Vetkarantim i detyruar për të gjithë qytetarët që hynë në Kosovë nga zonat epidemike,

5. Aktivitetet publike mund të zhvillohen të mbyllura pa praninë e publikut si ngjarjet sportive,

6. Ndalohet veprimtaria e restoranteve, pishinave, palestrave pas orës 23:00.

7.  Të gjitha institucionet qeveritare publike dhe private detyrohen të marrin masa të përforcuara higjenike,

8. Kompanitë private dhe publike të transportit duhet të dezinfektojnë mjetet transportuese./Motilokal.com