Aktiviteti fizik dihet se zvogëlon rrezikun e sëmundjeve të zemrës, kancerit dhe shkaqeve të tjera kryesore të vdekjes.

Analiza më e madhe

Megjithatë, nuk është e qartë saktësisht se sa trajnime nevojiten për të pasur një efekt të tillë. Prandaj, një ekip ndërkombëtar studiuesish mblodhi rezultatet e 196 studimeve të mëparshme që përfshinin më shumë se 30 milionë njerëz për të krijuar një nga analizat më të mëdha të kryera mbi këtë temë. Ekspertët thonë se një shëtitje e fortë ditore mund të parandalojë të paktën një në dhjetë vdekje të parakohshme.

Ata llogaritën se afërsisht një në gjashtë vdekje të parakohshme do të ishte parandaluar nëse subjektet e studimit do të kishin të paktën 150 minuta aktivitet fizik të moderuar në javë. Domethënë, ky është niveli i rekomanduar nga Shërbimi Shëndetësor Kombëtar Britanik. Por edhe gjysma e kësaj, 75 minuta në javë ose më pak se 11 minuta në ditë, mund të parandalojë një në 10 vdekje të hershme, sipas një meta-analizë të botuar në British Journal of Sports Medicine.

Lajme të mira

“Kjo përfshin uljen e rrezikut të sëmundjeve të zemrës me 17 për qind dhe kancerit me shtatë për qind. Për një person me aktivitet fizik minimal ose aspak, 11 minuta ecje e shpejtë në ditë zvogëlon rrezikun e vdekjes së parakohshme me 23 për qind”, tha Soren Brage, një ekspert në aktivitetin fizik në Universitetin Britanik të Kembrixhit dhe bashkëautor i studimin.

Ai shtoi se ky është "lajm jashtëzakonisht i mirë".

“Gjithçka që duhet të bëni është të gjeni pak më shumë se 10 minuta kohë çdo ditë”, tha ai.

/Motilokal.com