Anija private amerikane Odysseus, e cila pak a shumë u ul me sukses në sipërfaqen e Hënës javën e kaluar, po punon pa probleme dhe po dërgon të dhëna përsëri në Tokë, njoftoi kompania Intuitive Machines.

Siç theksojnë ata, Odysseus ka dërguar edhe fotot e para nga Hëna. Më saktësisht, këto janë fotografi që janë realizuar gjatë zbritjes së avionit. Edhe pse nuk shihet shumë në foto, ato janë të rëndësishme, sepse janë fotot e para të realizuara pothuajse në polin jugor të Hënës.

Nga fotografitë e mbërritura deri më tani shihet se Odysseus pasi ka udhëtuar gati një milion kilometra ka zbritur 1.5 kilometra larg vendit të planifikuar. Kështu, Odysseus aktualisht ndodhet në një lartësi prej 2579 metrash.

Kujtojmë se kontrolli i fluturimit, i vendosur në Teksas, planifikon të mbledhë të dhëna nga Odysseus për aq kohë sa është funksional.

Odysseus bëri histori, jo vetëm për shkak të pozicionit në të cilin u ul, por edhe si anija e parë kozmike e një kompanie private amerikane që u ul me sukses në Hënë. Duke qenë se Intuitive Machines po punon me NASA-n, të dhënat që mbledh Odysseus do të jenë vendimtare në planifikimin e kthimit të astronautëve në Hënë si pjesë e misionit Artemis. Domethënë, Odysseus duhet të mbledhë të dhëna për tokën hënore dhe t'i ndihmojë shkencëtarët të përcaktojnë nëse ka akull në Hënë që mund të përdoret për të mbështetur astronautët dhe një bazë të mundshme në atë planet.

/Motilokal.com