Mund ta imagjinoni të jetoni në minus 45 gradë Celsius? Kaq u mat këtyre ditëve në Yakutsk, qyteti më i ftohtë në botë, i vendosur në lindjen e largët të Federatës Ruse.

Temperatura mesatare atje për janarin është minus 50 gradë Celsius, dhe temperatura më e ulët e matur ndonjëherë në këtë qytet rus është minus 71 gradë (më saktë, në fshatin Oymyakon, i cili konsiderohet vendi më i ftohtë në tokë).

Janari është muaji më i ftohtë në Yakutsk dhe banorët e qytetit po marrin masa paraprake shtesë për t'u mbrojtur. Megjithatë, ajri është mjaft i ftohtë për të mpirë lëkurën e ekspozuar, duke e bërë ngrirjen një rrezik të vazhdueshëm.

Megjithatë, kjo nuk i shqetëson vendasit e këtij vendi. Fëmijët shkojnë në shkollë sikur çdo gjë është në rregull dhe nëse temperatura është më e ftohtë se -45 gradë Celsius, vetëm atëherë qëndrojnë në shtëpitë e tyre.

Pra, si e mbijetojnë njerëzit këtë të ftohtë? Gjegjësisht, shtëpitë e tyre janë të izoluara mirë, të pajisura me sisteme speciale të ngrohjes, ndërsa veshjet që mbrojnë nga të ftohtit janë bërë pjesë e pazëvendësueshme e jetës së tyre.

Për t'u mbrojtur nga i ftohti, banorët e Yakutsk kanë jo vetëm një, por shpesh edhe tre dyer dalje nga ndërtesa, si dhe qilima në shkallët e jashtme, sepse rrugët janë të ngrira dhe të rrëshqitshme.

Në fshatin Oymyakon, për shembull, njerëzit jetojnë pa kanalizim, duke pasur parasysh që tubat ngrijnë, kështu që tualetet janë kryesisht jashtë shtëpisë.

Nuk përdorin fare çezma dhe dushe, sepse logjikisht do ngrinte gjithçka. Ata marrin ujë të pijshëm duke shkrirë akullin që kanë grumbulluar gjatë gjithë vitit.

Yakutsk ka rreth 355.500 banorë, dhe njerëzit janë të angazhuar kryesisht në blegtori dhe peshkim. Në raportin e vitit të kaluar, Reuters pyeti banorët e këtij qyteti se si e përballojnë të ftohtin. Shumë u përgjigjën se as nuk e ndjejnë se është aq i ftohtë pasi truri i tyre thjesht përgatitet për të. Temperaturat e ulëta janë normale për ta, thonë ata, sepse janë mësuar prej kohësh.

Nga rruga, rajoni Yakutsia në Rusi është një territor sa madhësia, të themi, 10 herë Franca.

/Motilokal.com