Automjetet elektrike janë relativisht të reja në krahasim me motorët e vjetër me djegie dhe kanë nevojë për materiale të ndryshme për t'i fuqizuar ato.

Megjithë shtytjen për forma më të gjelbra të transportit dhe një premtim për një të ardhme neto zero deri në vitin 2050, është shumë më e shtrenjtë të blesh një veturë elektrike, sesa me benzinë apo naftë. Dhe ka disa arsye pse veturat elektrike janë ende kaq të shtrenjta.

E para është se nuk ka ekonomi të shkallës. Ndërsa prodhuesit kanë prodhuar vetura me motorë me djegie të brendshme për më shumë se 100 vjet, veturat elektrike të prodhuara në masë janë ende relativisht të reja. Ka gjithashtu më pak fabrika në gjendje të prodhojnë komponentë të specializuar.

Pjesa më e kushtueshme e veturës elektrike është bateria dhe mungesat në mbarë botën e litiumit (një element thelbësor në bateritë litium-jon) i kanë rritur çmimet. Midis 2020 dhe 2023 kishte gjithashtu një mungesë të gjysmëpërçuesve (thelbësore në këto vetura të teknologjisë së lartë) të shkaktuar nga pandemia COVID. Kësaj i shtuan moti ekstrem në Tajvan dhe lufta tregtare Kinë-SHBA, e cila i rriti edhe më tej çmimet.

/Motilokal.com