Dy muaj pas tërmetit të fuqishëm që goditi Durrësin dhe Tiranën, një tjetër tërmet u regjistrua të martën me 28.01.2020, duke futur panik tek qytetarët shqiptarë që ende i kanë të freskëta dridhjet e atij tërmeti.

Për fat të mirë tërmeti i fundit përveç dëmeve materiale nuk shkaktoi viktima.

Nga lëkundjet e këtij tërmeti një hotel afër Gjirit të Lalzit është shembur, kështu kanë deklaruar edhe qytetarët duke bërë publike fotografitë në rrjetet sociale.

Tërmeti me magnitudë 4.9 ballë me epiqendër ka qenë në Hamalle të Durrësit. Tërmeti është ndierë në Tiranë por edhe në Kosovë. Ndërkaq si pasojë e këtij tërmeti, një hotel në fshatin Rrotull të Gjiri Lalzit, është shembur dhe ka pësuar dëmtime të mëdha./Motilokal.com