Qyteti kinez Wuhan ka filluar të ndërtojë një spital brenda gjashtë ditëve në mënyrë që të trajtojë pacientët që dyshohen për kontraktim të koronavirusit.

Aktualisht janë 830 raste të konfirmuara në Kinë, 41 prej të cilëve kanë vdekur.

Përhapja filloi në Wuhan, shtëpi për rreth 11 milionë banorë. Spitalet në qytet janë përmbytur nga banorë të shqetësuar dhe farmacitë po mbarojnë mjekimin.

Objekti, i cili do të jetë gati në vetëm 10 ditë, do të jetë në gjendje të strehojë një mijë pacientë.

Ky është qëllimi i autoriteteve kineze, të cilët më 24 janar 2020 filluan punën për ndërtimin e ndërtesës së re në kohë rekord.

Imazhet e transmetuara nga televizioni tregojnë dhjetëra buldozerë të angazhuar në përgatitjen e terrenit mbi të cilin do të ndërtohet spitali i ri 25,000 metër katror.Agjensia e lajmeve Xinhua raporton se hapja e objektit të ri është caktuar për 3 shkurt, ndoshta edhe më herët.

Sipas inxhinierëve të projektit, të cituar nga ‘South China Morning Post’, koha e përfundimit të spitalit mund të shkurtohet në gjashtë ditë.

Një nga hipotezat në studim është se virusi misterioz si pneumonia kaloi te njerëzit nga gjarpërinjtë, të cilët konsumohen në Kinë./Motilokal.com